Caffi Cymunedol

Ymlacio yng Nghaffi Canolfan y Mynydd Du ym Mrynaman

Mae ein caffi ar agor trwy gydol y flwyddyn, yn gweini bwyd cartref maethlon. Ein nod yw cynnig bwyd o ansawdd mewn lleoliad deniadol, a ‘rydym yn gobeithio y byddwch chi’n dod i ymweld â ni cyn bo hir

Rydym ar agor ar gyfer brecwast, cinio, byrbrydau neu dim ond cwpaned o de a theisennau cartref, a’r cyfan wedi’i gyflwyno mewn awyrgylch gyfeillgar, groesawus.

Mae tîm y caffi yn cynnwys staff a gwirfoddolwyr ymroddgar sydd wastad yn hapus i helpu.

Rydym hefyd yn cynnal bwffe yn fewnol ac ar gyfer tecawê.

Am wybodaeth bellach cysylltwch â’r Ganolfan ar 01269 823400.

Cinio Rhost Dydd Sul – Ddim ar gael dros dro

Oherwydd amgylchiadau annisgwyl, ni allwn gynnig ein gwasanaeth Cinio Dydd Sul dros dro.

Gobeithiwn ddod â’n rhostiau blasus Dydd Sul yn ôl yn fuan iawn, ond yn y cyfamser bydd ein Caffi yn parhau ar agor ar ddyddiau Sul rhwng 9am a 2pm, gan gynnig dewis cyfyngedig o fwyd.

Diolch am eich dealltwriaeth a’ch cefnogaeth barhaus.